La siesta del jaguar

Olatz Salvadorren musikaren ostean, Liberen eskutik dator postal musikal bilduma berria.

Erotika lagun izango dugu bidean.

Esan bezala, luzaroan ezkutatuko sexu grina berreskuratu dut, baina ez da betiko oihaneko piztia, derrigorrez.

Egunerokoa erotizatzen ikasten nabil eta niretzat kotxeko karaoke euskaldun eta rock’n’rolleroak beste batzuentzat satisfyer famatua dagoen tokian daude.

Zerrendan goi-goian, plazer handien ematen duen abiaduran, nire idazkiak daude. Plazer autogestiboa deitzen diot nik horri. Hitzen lilura eta desira.

Idazten ari naizen kafetegiaren komunera korrikan eramaten nauten horietakoak pixkanaka argitaratzen joango naiz.

Negua luzea izan dadila. Ez diogu beldurrik.